Causa Galiza inicia um proceso interno de debate sobre a açom municipal independentista


O horizonte Municipais 2015 é a escusa para o início dum debate interno aberto a independentistas sem filiaçom em que fixaremos a posiçom da nossa Organizaçom sobre esta convocatória eleitoral, assim como, com perspetiva mais ampla, a significaçom que outorgamos ao trabalho municipal independentista e o seu desenvolvimento futuro. O processo começou nesta passada fim-de-semana com a aprovaçom por parte da Mesa Nacional do documento-base de debate.

A discusom estenderá-se nos próximos 15 dias às oito assembleias comarcais com que conta atualmente a nossa Organizaçom, tratando de implicar nela independentistas sem filiaçom afins ao independentismo histórico e pessoas dos movimentos populares próximas dos postulados deste. As resoluçons que derivem do debate farám-se públicas passado este tempo num documento anexado no nosso sítio web nacional e através das redes sociais.

 

Participaçom de pessoas nom-filiadas

 

Da Mesa Nacional de Causa Galiza animamos as pessoas próximas das posiçons que vimos defendendo desde 2007 a contatardes com a nossa Organizaçom e participardes neste processo que traçará as estratégias e linhas mestras da nossa intervençom municipal para o futuro imediato e também no curto e meio prazo.