Causa Galiza assina umha declaraçom conjunta com sete organizaçons galegas no 36º aniversário da Constituiçom espanhola

 

A nossa organizaçom fai pública nesta tarde umha declaraçom conjunta com mais sete organizaçons políticas, estudantis, feministas, anti-repressivas e juvenis com motivo do 36º aniversário do referéndum em que, em 1978, a maioria social deste país dava as costas ao texto constitucional do regime pós-franquista. Agir, Briga, Ceivar, Coletivo Nacionalista de Marim, NÓS-Unidade Popular, Mulheres Nacionalistas Galegas e PCPG som as restantes organizaçons referidas.

 

A declaraçom independentista, que se pode consultar em formato pdf neste web, denuncia o atual regime constitucional, critica qualquer estratégia sócio-política fundada na participaçom numha futura remodelaçom do sistema político colonial e convoca a construir umha estratégia efetiva face a independência nacional, por considerarem os assinantes que esta é a única via possível para materializar o projeto nacional galego e conquistar soluçons para as problemáticas sócio-económicas da sociedade galega.