Causa Galiza chama a redobrar esforços para arrincar a repatriaçom dos presos e presas independentistas galegas

 

Causa Galiza chama a apoiar mais um mês as concentraçons convocadas para exigir do Governo espanhol a estrita aplicaçom dos direitos humanos, constitucionais e políticos dos presos e presas independentistas galegas. Direitos que vulnera por sistema como parte da sua estratégia de castigo e submetimento pessoal e político. Como mostra flagrante, a dispersom carcerária, que para além de ilegal e injustificável extende a repressom às contornas afetivas, sociais e políticas das militantes recluidas e recluidos.

Existe umha necessidade clara de redobrar esforços na tarefa coletiva de lograr a repatriaçom e reagrupamento dos presos, para além dos outros pontos reivindicativos explicitados polo CPIG. A sociedade galega nom pode ser cúmplice, nem por ativa, nem por passiva, dum processo sistemático e programado de conculcaçom de direitos de cinco militantes galegas que procura exclusivamente o citado submetimento. Neste sentido, convidamos também a participar na XI Marcha às Cadeias que convoca Que Voltem para a Casa! e partirá da Galiza em 4 de fevereiro.

 

Anexamos a continuaçom as convocatórias para esta sexta-feira:

Ourense: 20:00 h. na Praça do Ferro

Burela: 20:30 h. na Praça do Concelho

Vigo: 20:00 h. no MARCO na rua do Príncipe

Lugo: 20:30 h. na Praça Maior

Compostela: 20:30 h. na praça do Toral