Causa Galiza renderá homenagem em Imo ao dirigente independentista galego Moncho Reboiras Noia

 

Causa Galiza organizará no próximo sábado umha homenagem em Imo ao principal dirigente da UPG na recta final do franquismo e desenhador e dinamizador fundamental das suas distintas frentes -Política, Operária, Cultural e Militar-. O ato decorrerá a partir das 17:00 h. da tarde no cimitério de Imo e contará com a intervençom de militantes ligados a Reboiras Noia e à construçom política e organizativa desenvolvida na altura.

A pessoa de Moncho encarna a geraçom de galegas e galegos que, nos estertores da Ditadura Militar, sob condiçons de extremo controle e repressom e de extrema minorizaçom do nacionalismo como realidade sociológica, reseteia diagnósticos, edifica o movimento de liberaçom nacional e social da Galiza e desbanca o culturalismo pequeno-burguês da direçom deste processo. Ai reside, junto à paradigmática entrega e capacidade que relatam as suas contemporáneas e contemporáneos, a grandeza histórica e a exemplaridade humana de Reboiras Noia.

O seu assassinato planificado a maos da Polícia espanhola só pode interpretar-se, pois, num esquema de eficácia repressiva que na altura procurava, por umha parte, eliminar o principal motor daquela UPG e, por outra, debilitar a determinaçom e a fortaleza dum nacionalismo revolucionário em ascenso na antesala da Transición Española. A sua morte converteu Moncho em referência e estímulo de novas geraçons de independentistas e a sua importáncia histórica cresce e crescerá ano após ano à medida que se recupere e desmitifique o passado.

Moncho Reboiras: a luita continua!

Independência e socialismo!