Causa Galiza chama a participar na XII Marcha às Cadeias e reforçar a acumulaçom de forças que possibilite ganhar a repatriaçom dos presos e presas independentistas

 

 

   Mais um ano, na proximidade do Dia Internacional dos Presos e Presas Políticas, Causa Galiza chama o povo galego e as suas organizaçons e coletivos sociais, sindicais e políticos em geral, e à militáncia independentista em particular, a engrossar com a vossa presença física a Marcha às Cadeias que neste 2018 alcança a sua XII ediçom sob a convocatória da associaçom de familiares e amigos de presos e presas independentistas galegas Que Voltem para a Casa!

   O objetivo da mobilizaçom é, mais um ano, colocar sobre a mesa a reivindicaçom do fim da dispersom penitenciária, a repatriaçom dos prisioneiros independentistas galegos e galegas e o respeito dos seus direitos humanos, constitucionais e políticos, que som sistematicamente banidos desde há anos por parte do Governo espanhol como parte essencial da estratégia repressiva que procura o dobregamento político dos presos e presas.



Acumulaçom de forças

   Causa Galiza alenta a reforçar a acumulaçom de forças que possibilite, progressivamente, situar a repatriaçom dos prisioneiros políticos galegos e galegas na agenda política nacional, alargar quantitativa e qualitativamente os setores comprometidos com este objetivo e ampliar e multiplicar a pressom social e política para lograr rematar com a dispersom penitenciária.

   A informaçom relativa à XIII Marcha às Cadeias pode-se consultar nesta ligaçom.