Militáncia de Causa Galiza pom-se a disposiçom da CIG para contribuir para a socializaçom e sucesso da Greve Geral Nacional

Causa Galiza está a contatar com os secretariados comarcais da CIG em distintas comarcas do País para oferecer a força de trabalho da sua militáncia para a campanha agitativa e o sucesso da Greve Geral Nacional de 19-J. A nossa Organizaçom entende que, como povo, e como classe trabalhadora, jogamos muito no sucesso da jornada de 19-J e é desde esta posiçom que achamos urgente por em marcha todos os ativos possíveis para paralisar Galiza nesta jornada.

A Greve Geral Nacional de 19-J é um repto importante, pois é convocada em solitário pola principal central sindical nacional e enfrentará já nom só a oposiçom ativa do poder político e económico, com o apoio do aparato mediático e policial, como é tradiçom, mas também a atividade fura-greves das corporaçons sindicais espanholas CCOO e UGT, que vegetam no pacto social e a dependência enfermiça dos subsídios com que o Estado paga o seu colaboracionismo.

É fundamental ativar o tecido associativista

Causa Galiza acha imprescindível que todas as expressons do tecido associativista nacional —organizaçons juvenis, centros sociais, movimentos feministas, vizinhais, ambientalistas, culturais, etc.— abracem como própria a Greve Geral Nacional, pois nela dilucida-se a possibilidade de fixar um ponto de inflexom à cronificaçom da Emergência Nacional que suporta a Galiza e fazer umha demonstraçom da capacidade de luita cuja transcendência prática imediata é a todas luzes inegável.

19-J: PARALISEMOS A GALIZA!