Causa Galiza participará na manifestaçom convocada em Ponte Vedra para erradicar os eventos taurinos da Galiza

Causa Galiza transmitiu a Touradas fora de Ponte Vedra o seu apoio à manifestaçom convocada por esta entidade para 11 de agosto com o objetivo de exigir, mais um ano, a erradicaçom das touradas da vila do Leres e da Galiza. Aliás, participará na mobilizaçom convocada para esse dia. Causa Galiza apela ao povo galego em geral e à militáncia independentista em particular a engrossar esta manifestaçom e multiplicar a pressom social para erradicar definitivamente a tauromaquia.

Múltiplas som as razons que fundamentam este rechaço. A primeira, o facto de ser umha selvagem celebraçom estrangeira que se converte numha estratégia de espanholizaçom cultural apoiada por setores oligárquicos e señoritos ligados à extrema direita neofranquista. A segunda, o rechaço a que umha prática tam extranha à idiosincrassia galega como é a tortura até a morte de animais se convirta em celebraçom festiva.

Generalizar a pressom e a denúncia sociais

Por último, parece evidente que no marco geral do processo de turistificaçom da economia nacional em que está mergulhado o nosso País, a tauromaquia reforça e potencializa a inclusom da Galiza na Marca España e constrói um imaginário que está nos antípodes do processo de construçom e liberaçom nacional e empoderamento popular que formulamos.

Causa Galiza convoca a ativar todas as formas de boicote e denúncia sobre esta festa espanhola, exigir a suspensom imediata das linhas de colaboraçom institucional —publicitária, financeira, etc.— que ainda existem com as touradas e, sobretodo, potencializar umha pressom social sustentada no tempo, que é a principal garantia de fortalecer a conscientizaçom social sobre esta problemática e de que, mais cedo do que tarde, lograremos erradicar as touradas da Galiza.