Causa Galiza chama a paralisar a atividade e tomar a rua na Greve Feminista de 8 de março

Após o sucesso da maciça mobilizaçom feminista do passado 3 de março em Lugo, Causa Galiza anima às mulheres galegas a persistirem na via da conscientizaçom, a mobilizaçom, a auto-organizaçom e a luita como principais ferramentas para avançar na conquista e recuperaçom de direitos e a liquidaçom do regime patriarcal que se fundamenta sobre a exploraçom e a violência contra as mulheres.

As reivindicaçons que hoje se colocam sobre a mesa já fôrom largamente difundidas polo Movimento Feminista Galego. É preciso agora multiplicar as pressons e estendê-las no tempo para fazê-las efetivas e fortalecer o caminho do empoderamento das mulheres galegas como objetivo em si próprio e, também, como achega fundamental ao desenvolvimento do processo de liberaçom nacional e social da nossa Pátria.

Viva o 8 de março!
Viva a luita feminista!
Mulheres livres na pátria libertada!