Causa Galiza anunciará em breve a sua posiçom política perante as Eleiçons Gerais no Reino de Espanha

Causa Galiza iniciou um processo de debate interno para fixar a sua posiçom perante a convocatória eleitoral espanhola de 28 de abril. Este processo e as opçons que nele se baralham enquadram-se no marco do fortalecimento estratégico do projeto político independentista e da necessidade de ganhar progressivamente a confiança e a adesom dos crescentes setores populares em que madurece umha aposta explícita e desambiguada favorável à rutura da Galiza com o Estado espanhol.

A crise do regime espanhol de 1978, a cronificaçom e agudizaçom da situaçom de emergência nacional e social da Galiza, que carece de vias de superaçom no atual quadro jurídico-político, o submetimento da militância galega a um regime de exceçom encuberto por parte da Audiencia Nacional e a Guardia Civil e as perspectivas dum processo involutivo que conta com o impulso dos partidos do regime e o IBEX 35, som elementos essenciais que enquadrarám este processo de debate. A posiçom adotada finalmente fará-se pública em 15 de abril.