Causa Galiza chama o povo a se manifestar pola independência nacional no Dia da Pátria

Causa Galiza convoca neste Dia da Pátria umha manifestaçom independentista de cujos detalhes informaremos em breve. Esta convocatória fecha, de momento, as tentativas unitaristas de ediçons passadas que, com nulo sucesso, procurárom a despartidarizaçom do dia nacional e a convergência na mobilizaçom de 25 de julho das forças nacionais sob parámetros de ruptura democrática e reclamaçom dum Estado independente como única soluçom possível para as principais problemáticas nacionais.

A necessidade de consolidar um forte projeto independentista com capacidade de intervençom quotidiana e condicionamento político, a continuidade do Processo Trevinca de atualizaçom estratégica iniciado em 2018 e a denúncia da excecionalidade repressiva como sintoma do perfil nom-democrático do Estado espanhol serám alguns dos eixos sobre os que pivotará esta convocatória.

Assembleias abertas

A campanha independentista desenvolverá-se a partir de assembleias abertas a simpatizantes que se celebrarám nas principais comarcas galegas, iniciará-se com umha campanha prévia de socializaçom da iconografia nacional e rematará com umha manifestaçom que partirá às 12:30 da Alameda de Compostela e com a romaria popular a celebrar num parque municipal da capital galega.