Causa Galiza chama a reivindicar a liberdade dos independentistas presos e impulsionar a marcha da juventude patriótica neste 24 de julho

Causa Galiza chama a sociedade em geral e à militância independentista em particular a engrossar com a sua presença os atos convocados por Ceivar e a Mocidade pola Independência na véspera do Dia da Pátria. Concretamente, a Cadeia Humana pola Liberdade dos Presos e Presas Independentistas que neste ano enxerga a sua XII ediçom e a manifestaçom independentista convocada sob a legenda A mocidade independentista erguendo Galiza.

Ambas convocatórias, que som prelúdio do dia nacional, iniciarám-se respetivamente às 18:30 na Praça da Galiza de Compostela e às 20:00 desde a Alameda desta cidade. Dotar de corpo social a reclamaçom dos direitos humanos, constitucionais e políticos e liberdade para os independentistas presos e presas e consolidar o espaço juvenil, superando a sua atomizaçom e carência de estratégia, som hoje reptos imprescindíveis para fortalecer a perspetiva independentista.