Causa Galiza chama a participar na mobilizaçom contra as touradas convocada em Ponte Vedra

O rechaço à celebraçom da festa espanhola das touradas alcança neste momento na Galiza níveis históricos na opiniom pública. Segundo estatísticas oficiais de recente publicaçom, esta negativa é sustentada hoje por 85 % da populaçom da CAG, enquanto som empresas, instituiçons públicas e meios de difusom que se empenham em instaurar o maltrato animal gratuito como evento festivo.

Esta insistência institucional e empresarial nom é casual: os interesses económicos existentes por volta do lobbie taurino com importantes extensons na administraçom estatal, a tentativa permanente de espanholizaçom agora com cárrego ao Ministerio de Cultura, que promove institucionalmente a tauromaquia, ou a implementaçom dum mapa turístico de Piel de Toro, que apontoe ideologicamente a unidade estatal, aparecem como parte das razons do conflito.

De Causa Galiza alentamos as administraçons locais a se declararem Concelhos Antitouradas, denunciando e boicotando na rua a selvajada que implica a tortura de animais e suspendendo toda colaboraçom económica e logística com estes eventos. Aliás, alentamos a sociedade galega a implementar as medidas de mobilizaçom, denúncia e pressom social que permitam ganhar a aboliçom da tauromaquia na Galiza.

Manifestaçom Agora Aboliçom!
Sábado 10 de agosto às 20:00 h. na Praça da Peregrina
Ponte Vedra