Causa Galiza publica entrevista ao ex militante da Frente Militar da UPG Inácio Hernando Nuevo

Inácio Hernado Nuevo é o protagonista da entrevista que Augusto Fontám, da produtora Aventar, lhe fijo em 2011 sobre a Frente Militar da UPG e a vaga repressiva que alcançou o independentismo galego organizado em agosto de 1975. O material publicado foi transferido para o canal de YouTube de Causa Galiza tal qual foi editado no seu dia. A nossa organizaçom limita-se a difundir o relato de Hernando reservando-se a sua opiniom sobre os acontecimentos abordados.

Temos a conviçom de que o documentário anexado contribuirá decisivamente, como mais um dos esforços necessários nesta direçom, para deitar luz sobre uns acontecimentos históricos que fôrom transcendentais para a configuraçom do nacionalismo nom-independentista e do independentismo galego contemporâneos. Convidamos as nossas leitoras e leitores ao seu visionado, difusom e debate.

O protagonista da entrevista foi militante da UPG e integrou, com Moncho Reboiras e outr@s militantes independentistas, a Frente Militar deste partido na reta final do tardofranquismo. O seu relato fresco, sincero e construido a pé de obra achamos que será decisivo para conhecer e reconhecer este momento essencial da nossa História.