Causa Galiza celebra umha homenagem ao independentista Joám Jesus Gonçalves em Cúntis

Causa Galiza celebra neste próximo domingo, 13 de outubro, umha homenagem ao independentista galego Joám Jesus Gonçalves, que já a princípios do século XX dava os primeiros passos na teorizaçom do encontro entre independentismo e marxismo, dotando este de formulaçom organizativa —a Uniom Socialista Galega—. Gonçalves destacou-se na organizaçom e a participaçom na resistência ao golpe de Estado fascista de 1936, sendo fusilado polas tropas franquistas como milhares de compatriotas.

A figura do independentista galego recuperou-se da anesia coletiva nesta década graças aos esforços do tecido associativista. Causa Galiza pretende contribuir para este resgate da memória nacional. O ato consistirá num roteiro que partirá às 11:00 da Ponte do Ramo, em Cequeril (Cúntis). Neste, com visita à casa natal de Gonçalves, o seu biógrafo, Marcos Seixo, exporá a trajetória vital e política do homenageado, e conheceremos o lavrado da pedra de mão dum canteiro da comarca e os petróglifos da zona.

Jantar popular

Sobre as 12:30 celebraremos umha homenagem na tomba do independentista galego com umha intervençom política e, a continuaçom, um jantar popular em Cúntis.