Publicamos série de vídeos breves sobre a atual crise sanitária, sociolaboral e política

Enquanto durar o Estado de Alarme ampliado, Causa Galiza porá em circulaçom umha série de videos de curta duraçom onde exporemos a análise e interpretaçom independentistas de traços substanciais da atual crise de emergência sanitária, sociolaboral e política que enfrenta o povo galego.

Estes vídeos, que refletem a nossa opiniom sobre a situaçom que estamos a viver, circularám massivamente através das redes sociais, WhatsApp, Telegram, Signal e Wire, e tratarám de achegar ao povo galego umha visom crítica e construtiva das causas e consequências da expansom do coronavírus, à vez que intentarám tirar conclusons úteis para o futuro.

Oito vídeos e um epílogo

A série que se inicia com o vídeo Coronavírus e soberania seguirá com outros que relacionam a pandemia com a involuiçom política, a incompetência governamental, a privatizaçom da sanidade, a situaçom da classe trabalhadora galega, o confinamento, a ocupaçom militar e a auto-organizaçom e o poder popular como perspectivas.