Causa Galiza apresenta proposta sobre o combate à pandemia e o cenário posterior à mesma

Causa Galiza apresenta aos agentes sociais, sindicais e políticos do País umha proposta auto-organizativa elementar perante o cenário de pandemia, insuficiência de recursos sanitários e serviços sociais e prevista crise económica, sociolaboral e política posterior à queda de contágios, ingressos nas unidades hospitalares e mortes.

Esta iniciativa pretende pôr em valor a capacidade de auto-organizaçom da naçom e ativar os mecanismos que permitam identificar e dar resposta adequada às necessidades associadas ou derivadas da pandemia, evitando cifrar a sua satisfaçom exclusivamente à boa disposiçom da institucionalidade existente.

Rede Galega

A proposta principal é a constituiçom dumha Rede Galega de Apoio Social e Económico que, sem tutelagens nem dependências institucionais, com a firme decisom de defensa do País e dos sectores populares neste cenário iminente, identifique e dê resposta às citadas necessidades e faga seguimento crítico das políticas institucionais implementadas nas próximas semanas e meses.

LIGAÇOM AO DOCUMENTO