Causa Galiza propom umha iniciativa de denúncia antifascista na reta final do confinamento social

Com a convocatória de manifestaçons fascistas nos próximos dias em quatro cidades galegas, que contam com a tolerância governamental negada, p. ex., às recentes mobilizaçons ou tentativas de mobilizaçom do sindicalismo nacionalista, evidencia-se um dos aspectos mais políticos do atual estado de alarme: a ativaçom e permissividade do Executivo espanhol de coligaçom com a extrema direita, enquanto a esquerda social, sindical e política permanece enclausurada domiciliarmente, ou se expom ao rigor da repressom económica.

Neste cenário, Causa Galiza propom umha iniciativa simbólica, que também trataremos de levar para a rua, para denunciar a presença do fascismo nos espaços públicos. Esta campanha consistirá na colocaçom de cartazes em janelas, portais, bairros e varandas com a legenda Fascismo Nunca Mais. O objetivo é contribuir para desnormalizar a aterragem do fascismo explícito na rua e denunciar a restriçom seletiva de direitos e liberdades que impom o estado de alarme.

Anexamos a continuaçom dous formatos de cartaz de assunçom geral no espaço soberanista para imprimir e colocar em janelas, portais, varandas, bairros, etc.