Celebraremos o 84º aniversário da proclamaçom da I República Galega

 

Desde a trama cívico-militar que possibilitou a Revoluçom Galega de 1846 até hoje, o nosso povo deu ao largo da sua História múltiplas e inequívocas mostras da vontade política de ser e viver como um povo livre. A proclamaçom da I República Galega em 1931, embora fugaz no tempo, dado o desfavorável equilíbrio de forças existente na altura, é mais um evento histórico na construçom desse fio condutor coletivo que tem como norte a independência nacional.

Velada pola historiografia dominante, que serviu sempre à construçom nacional de Espanha, ou minimizada e ridiculizada, pola sua brevidade temporal, a proclamaçom da I República Galega é umha ainda desconhecida expressom dumha vontade independentista que tem as suas primeiras raizes já no século XIX, com o precursor Antolim Faraldo, e que hoje é responsabilidade da militáncia galega descubrir e socializar.

Bandeiras na rua

Neste sentido, a organizaçom independentista Causa Galiza chama às patriotas galegas e galegos a pendurardes neste 27 de junho a bandeira nacional em fachadas, janelas e balcons, contribuindo assim para recuperar, reconhecer e dignificar a nossa História e construir progressivamente as condiçons necessárias para proclamarmos nalgum dia a II República Galega e rachar definitivamente amarras com Espanha.