Causa Galiza celebra o Dia da Galiza Combatente com umha posta em valor para o futuro da luita independentista na década de 80

 

Causa Galiza dedica a celebraçom do Dia da Galiza Combatente 2015 ao recordatório e posta em valor das experiências políticas e organizativas do independentismo galego na década de 80, que iluminárom já daquela umha via de desenvolvimento para o nosso projeto nacional alternativa à enquadrada na gestom da administraçom colonial e a procura dum inviável encaixe da Galiza no regime e o Estado espanhóis.

 

Hoje, num contexto de confusom e oportunismo político, perspetivas de reajuste do regime espanhol e atualizaçom da contradiçom estratégica entre reforma do regime colonial ou rutura, achamos útil e necessário por em comum as divergências políticas e ideológicas e as práticas que contribuírom a dar luz ao independentismo contemporáneo, assim como pescudar coletivamente na atualidade das mesmas e a sua projeçom para o futuro da nossa luita.

 

A campanha consistirá na celebraçom de palestras informativas e de debate nas localidades, propaganda para a socializaçom da jornada e umha concentraçom convocada às 12:00 h. de 11 de outubro na Praça da Vila de Vigo, atualmente rebaptizada polo unionismo espanhol como Plaza de la Constitución. Causa Galiza anima a militáncia independentista a contatar com as nossas assembleias comarcais e participar na dinamizaçom da iniciativa em toda a naçom.