06-08-2017 17:19:20
Causa Galiza renderá homenagem em Imo ao dirigente independentista galego Moncho Reboiras Noia
Causa Galiza renderá homenagem em Imo ao dirigente independentista galego Moncho Reboiras Noia
Causa Galiza organizará no próximo sábado umha homenagem em Imo ao principal dirigente da UPG na recta final do franquismo e desenhador e dinamizador fundamental das suas distintas frentes -Política, Operária, Cultural e Militar-. O ato decorrerá a partir das 17:00 h. da tarde no cimitério de Imo e contará com a intervençom de militantes ligados a Reboiras Noia e à construçom política e organizativa desenvolvida na altura.
06-08-2017 17:40:33
Causa Galiza chama a participar na manifestaçom anti-taurina deste sábado em Ponte Vedra
Causa Galiza chama a participar na manifestaçom anti-taurina deste sábado em Ponte Vedra
A iniciativa popular Touradas fora de Ponte Vedra convoca neste sábado umha manifestaçom para exigir o fim da colaboraçom económica da câmara municipal com os festejos taurinos, a sua erradicaçom da vila e, por extensom, a sua aboliçom definitiva na Galiza. Causa Galiza exprime o seu apoio explícito à convocatória, que respaldam já por volta de umha centena de agentes sociais e políticos, e apela à máxima participaçom para avançar na aboliçom definitiva da tauromaquia neste País.
28-08-2017 10:38:09
Causa Galiza chama o povo galego a reclamar a independência nacional neste Dia da Pátria
Causa Galiza chama o povo galego a reclamar a independência nacional neste Dia da Pátria
Após a tentativa fracassada do passado 17 de junho para celebrar um Dia da Pátria unitário junto a BNG e Anova, onde se reivindicasse com claridade a independência nacional como única saída possível para a nossa soberania política, Causa Galiza ativou a sua própria convocatória de campanha e manifestaçom independentista, que é a primeiro que celebramos após a recuperaçom da condiçom de organizaçom política legal.
09-03-2017 21:59:21
Causa Galiza chama as independentistas a participar nas convocatórias da CIG do Dia da Classe Obreira Galega em Vigo e Ferrol
Causa Galiza chama as independentistas a participar nas convocatórias da CIG do Dia da Classe Obreira Galega em Vigo e Ferrol
Causa Galiza convoca a sua filiaçom e aos independentistas galegos e galegas em geral a participar neste Dia da Classe Obreira Galega nas mobilizaçons convocadas pola central sindical nacionalista em Vigo e Ferrol, duas cidades por volta das que girárom os factos de 1972, que fôrom a alavanca para a construçom e desenvolvimento do sindicalismo nacionalista e de classe.
23-01-2017 20:50:32
Causa Galiza apoia a dinámica reivindicativa iniciada neste sábado pola CIG com a perspetiva da Greve Geral
Causa Galiza apoia a dinámica reivindicativa iniciada neste sábado pola CIG com a perspetiva da Greve Geral
A CIG anunciou recentemente a ativaçom dumha campanha de agitaçom laboral e mobilizaçons para “recuperar os direitos sociais e laborais perdidos nos últimos anos” perante a situaçom de debilidade que, entende, existe no Governo espanhol. Esta dinámica iniciará-se em sábado 28 de janeiro com umha mobilizaçom nacional em Compostela “em defesa do sistema público de pensons” e continuará-se com sucesssivas convocatórias que a central galega desgranará nas próximas semanas.
04-03-2017 21:13:40
Auto-organizadas, empoderadas e levantadas!
Auto-organizadas, empoderadas e levantadas!
As mulheres galegas saimos hoje para as ruas denunciar e enfrentar o regime patriarcal e a permanente violência que sofremos polo simples facto de sermos mulheres. Umha violência irredutível ao aspeto mais espetacularizado -o feminicídio- que impregna toda a nossa quotidianeidade na vida social, laboral, política e familiar.
21-02-2017 16:51:14
Causa Galiza chama a secundar as mobilizaçons dos movimentos feministas contra a violência machista
Causa Galiza chama a secundar as mobilizaçons dos movimentos feministas contra a violência machista
Umha mulher foi assassinada na Galiza nesta noite num novo caso de violência machista. De Causa Galiza, além de chamar a secundar as mobilizaçons que convocam os movimentos feministas, queremos incidir numha ideia que da nossa ótica é essencial: o feminicídio é o sintoma mais extremo e brutal da violência de género que, de jeito direto e indireto, consciente ou inconsciente, impregna o corpo social galego. Só atuando sobre o domínio estrutural das mulheres polos homes é imaginável por couto à lacra.
06-02-2017 18:59:16
"Audiencia Nacional" perpetua o bloqueio das contas bancárias de Causa Galiza dous meses após lhe devolver a condiçom legal
"Audiencia Nacional" perpetua o bloqueio das contas bancárias de Causa Galiza dous meses após lhe devolver a condiçom legal
O processo repressivo de que esta Organizaçom é objeto por parte da Guardia Civil e a Audiencia nacional desde 30 de outubro de 2015 parece nom ter fim. Junto à vigência das graves imputaçons penais impostas daquela a nove militantes, que ainda podem dar pé a juízo, a Audiencia Nacional engade a continuidade do bloqueio dos nossos recursos económicos 54 dias após decretar o levantamento da “suspensom de atividades” que pesava sobre Causa Galiza.
03-02-2017 18:28:19
Causa Galiza solicita à companhia aérea "Norwegian" que identifique a imagem de Rosalia como “Galician author”
Causa Galiza solicita à companhia aérea "Norwegian" que identifique a imagem de Rosalia como “Galician author”
A companhia aérea norueguesa Norwegian fijo pública nesta semana a sua intençom de que o estabilizador vertical do seu Boeing 737-800 mostre a imagem de Rosalia de Castro. Alega a empresa escandinava para explicar a sua escolha o compromisso da escritora galega com a “recuperaçom do galego como língua de cultura” e “o seu papel na emancipaçom da mulher”. A proposta inclue aliás sob o nome da escritora galega a inscriçom em inglês Spanish author.
26-01-2017 21:47:40
Causa Galiza chama a redobrar esforços para arrincar a repatriaçom dos presos e presas independentistas galegas
Causa Galiza chama a redobrar esforços para arrincar a repatriaçom dos presos e presas independentistas galegas
Causa Galiza chama a apoiar mais um mês as concentraçons convocadas para exigir do Governo espanhol a estrita aplicaçom dos direitos humanos, constitucionais e políticos dos presos e presas independentistas galegas. Direitos que vulnera por sistema como parte da sua estratégia de castigo e submetimento pessoal e político. Como mostra flagrante, a dispersom carcerária, que para além de ilegal e injustificável extende a repressom às contornas afetivas, sociais e políticas das militantes recluidas e recluidos.
27-10-2015 20:45:25
Causa Galiza inicia campanha de socializaçom da necessidade da independência nacional
Causa Galiza inicia campanha de socializaçom da necessidade da independência nacional
Causa Galiza inicia em novembro umha campanha política de agitaçom que se prolongará nos três próximos meses. O objetivo desta iniciativa é socializar no povo galego através de distintos suportes a necessidade de construirmos um Estado próprio ao serviço da maioria social do país e de romper amarras com Espanha. A campanha veiculizará-se com distintos meios propagandísticos, palestras, atos surpresa, etc. e terá seguimento nas redes sociais da nossa Organizaçom.
26-12-2016 22:37:25
Causa Galiza recupera a sua condiçom de organizaçom política legal após um ano de denúncia e solidariedades
Causa Galiza recupera a sua condiçom de organizaçom política legal após um ano de denúncia e solidariedades
Causa Galiza recupera a condiçom de organizaçom política legal a todos os efeitos. A decisom adota-a o juíz da Audiencia Nacional Eloy Velasco Núñez, que em outubro de 2015 decretara a “suspensom de atividades” da formaçom independentista. O auto de Velasco supom a plena rehabilitaçom legal da Organizaçom e a desmontagem parcial do operativo político, policial, mediático e judicial que derivou na sua ilegalizaçom de facto após tipificá-la como parte dum “entramado terrorista”.
01-10-2015 18:41:53
Causa Galiza celebra o Dia da Galiza Combatente com umha posta em valor para o futuro da luita independentista na década de 80
Causa Galiza celebra o Dia da Galiza Combatente com umha posta em valor para o futuro da luita independentista na década de 80
Causa Galiza dedica a celebraçom do Dia da Galiza Combatente 2015 ao recordatório e posta em valor das experiências políticas e organizativas do independentismo galego na década de 80, que iluminárom já daquela umha via de desenvolvimento para o nosso projeto nacional alternativa à enquadrada na gestom da administraçom colonial e a procura dum inviável encaixe da Galiza no regime e o Estado espanhóis.
06-08-2015 23:33:29
Causa Galiza valoriza com luzes e sombras a celebraçom conjunta do Dia da Pátria em 2015
Causa Galiza valoriza com luzes e sombras a celebraçom conjunta do Dia da Pátria em 2015
A Mesa Nacional de Causa Galiza valoriza publicamente com este comunicado o processo que levou à recente celebraçom conjunta do dia nacional por parte dum amplo espectro de organizaçons políticas, sindicais, sociais e individualidades, assim como da convocatória, a mobilizaçom e a resposta popular dada:
06-08-2015 23:27:22
Animamos o povo galego a participar na consecuçom do ‘Objetivo Estrasburgo’
Animamos o povo galego a participar na consecuçom do ‘Objetivo Estrasburgo’
A Audiencia Nacional julgou em 2013 as independentistas galegas Maria Osório, Eduardo Vigo, Teto Rodrigues e Antom Santos acusando-os de “integraçom em banda armada”. A sentença ditada semanas após assentava por primeira vez a tese defendida desde 2005 por aparatos repressivos como a Guardia Civil sobre a existência dumha organizaçom armada independentista a operar na Galiza. Aliás, reproduzindo o paradigma já aplicado em Euskal Herria abria as portas para o tratamento penal de exceçom dirigido às pessoas e organizaçons suscetíveis de serem riscadas de “contorna ao terrorismo”.
05-08-2015 18:30:02
Causa Galiza participa no ato de homenagem a Moncho Reboiras em Ferrol no 40º aniversário do seu assassinato pola Polícia espanhola
Causa Galiza participa no ato de homenagem a Moncho Reboiras em Ferrol no 40º aniversário do seu assassinato pola Polícia espanhola
Neste 12 de agosto cumpre-se o 40º aniversário do assassinato em Ferrol do dirigente da UPG José Ramom Reboiras Noia a maos de agentes da Brigada Político-Social fascista. A vaga repressiva lançada na altura sobre a UPG pretendia descabeçar a organizaçom num momento de fortalecimento, eliminar o seu dirigente mais qualificado e versátil e condicionar a posiçom nacionalista perante o imediato processo de reforma cosmética daquel regime que hoje conhecemos como Transición Española.
20-07-2015 13:41:11
Causa Galiza organiza a segunda Romaria Popular polo Dia da Pátria "15
Causa Galiza organiza a segunda Romaria Popular polo Dia da Pátria "15
Por segundo ano consecutivo Causa Galiza organiza a II Romaria Popular no Dia da Pátria, a partir das 14:00 no parque de Lasalhe (junto ao CGAC). A romaria começa as 14:00 com a sessom vermute, acompanhada de música popular ao vivo, com as Porcas Bravas e Airinhos de Estrume. Para o jantar, a um preço de 6 euros, há opçom vegetariana. Este ano contaremos com espaço de animaçom para crianças com atividades variadas para os mais pequenos. Também se contaremos com jogos populares e atuaçom showcase de Garcia.
23-06-2015 13:21:32
Causa Galiza promoverá a configuraçom dum amplo bloco independentista e ruturista no Dia da Pátria 2015
Causa Galiza promoverá a configuraçom dum amplo bloco independentista e ruturista no Dia da Pátria 2015
Após os contatos mantidos nas últimas datas com BNG, NÓS-UP e distintos agentes sociais e coletivos locais para estudar a possibilidade de celebrar em 2015 dum Dia da Pátria conjunto das forças nacionalistas e independentistas sob os princípios de auto-organizaçom, rutura democrática e independência nacional, Causa Galiza quer fazer público o seguinte: 1º Para responder à demanda das bases sociológicas do soberanismo em favor da unidade de açom em chave de país entre nacionalistas e independentistas no Dia da Pátria, Causa Galiza anuncia a sua predisposiçom positiva ao formato que finalmente possibilite esta unidade embora nom satisfaga na sua totalidade os conteúdos por nós propostos inicialmente. [continua]
22-06-2015 16:13:59
Celebraremos o 84º aniversário da proclamaçom da I República Galega
Celebraremos o 84º aniversário da proclamaçom da I República Galega
Desde a trama cívico-militar que possibilitou a Revoluçom Galega de 1846 até hoje, o nosso povo deu ao largo da sua História múltiplas e inequívocas mostras da vontade política de ser e viver como um povo livre. A proclamaçom da I República Galega em 1931, embora fugaz no tempo, dado o desfavorável equilíbrio de forças existente na altura, é mais um evento histórico na construçom desse fio condutor coletivo que tem como norte a independência nacional.
16-06-2015 17:11:42
Causa Galiza exige a expulsom de ENCE da Ria de Ponte Vedra
Causa Galiza exige a expulsom de ENCE da Ria de Ponte Vedra
Ícone da que no seu dia se definiu como industrializaçom colonial de enclave, a Empresa Nacional de Celulosas de España instalou-se na Ria de Ponte Vedra em 1957 numha área de domínio público cuja concessom se prorrogou até 2018. A aterragem de ENCE com apoio estatal procurava a orientaçom do monte galego para o monocultivo maciço do eucalipto e provocou a degradaçom ambiental da Ria e a destruiçom de milhares de vagas de trabalho na pesca e o marisqueio.
08-06-2015 16:04:07
Causa Galiza reuniu-se nesta fim-de-semana com BNG a NÓS-UP para chegar a um Dia da Pátria conjunto de todas as forças soberanistas
Causa Galiza reuniu-se nesta fim-de-semana com BNG a NÓS-UP para chegar a um Dia da Pátria conjunto de todas as forças soberanistas
Cordialidade e sincera vontade de entendimento. Neste clima celebrou-se na passada fim-de-semana em Compostela o encontro das delegaçons de BNG, NÓS-Unidade Popular e Causa Galiza para apresentar esta última a proposta de unidade de açom para o Dia da Pátria de 2015, que já comunicara por carta no passado 1 de junho e figera pública 48 horas depois.
01-12-2014 17:24:11
Causa Galiza exige responsabilidades policiais e políticas polo assassinato do cidadám galego Francisco Javier Romero Taboada
Causa Galiza exige responsabilidades policiais e políticas polo assassinato do cidadám galego Francisco Javier Romero Taboada
Causa Galiza condena o assassinato fascista produzido onte em Madrid na pessoa do cidadám galego Francisco Javier Romero Taboada, Jimmy, a maos de indivíduos da extrema direita ligados e fomentados polo clube desportivo Atlético de Madrid. Denunciamos aliás o amparo argumental, a justificaçom indireta e a trivializaçom que a prática totalidade de meios de difusom, autoridades desportivas e corpos policiais espanhóis concedérom e concedem ao homicídio.
02-06-2015 22:36:39
Causa Galiza convida BNG e NÓS-UP a umha reuniom para procurar umha mobilizaçom unitária no Dia da Pátria 2015
Causa Galiza convida BNG e NÓS-UP a umha reuniom para procurar umha mobilizaçom unitária no Dia da Pátria 2015
Sob o critério guia de procurar a unidade de açom em chave de país entre as forças soberanistas e independentistas a partir da assunçom da existência de distintos projetos e estratégias no campo nacionalista, a nossa Mesa Nacional convidou BNG e NÓS-Unidade Popular a celebrar um primeiro encontro para estudar as possibilidades dumha mobilizaçom conjunta dos setores sociais, políticos e sindicais partidários da auto-organizaçom, o direito de autodeterminaçom e a independência nacional neste Dia da Pátria 2015.
01-06-2015 21:56:06
Militantes de Causa Galiza som acossados pola Polícia espanhola em Ferrol
Militantes de Causa Galiza som acossados pola Polícia espanhola em Ferrol
A pressom policial fai parte inseparável do dia após dia de dezenas de pessoas que militam no independentismo galego. Nesta ocasiom, a acossa produziu-se na passada sexta-feira em Ferrol quando três militantes de Causa Galiza que se dirigiam de carro pola avenida de Esteiro a umha assembleia fôrom “inteceptados” seletivamente por duas patrulhas Z da Polícia espanhola.
05-05-2015 23:33:04
Configuramos um “bloco independentista” no 1º de maio viguês
Configuramos um “bloco independentista” no 1º de maio viguês
Neste Dia do Internacionalismo Proletário, a nossa organizaçom convocou à conformaçom dum “bloco independentista” na mobilizaçom do 1º de maio à que chamara em Vigo a Confederaçom Intersindical Galega. Dezenas de militantes galegas e galegos participárom neste cortejo de Causa Galiza reclamando a independência nacional, denunciando a condiçom colonial do nosso país, exigindo "trabalho digno na nossa Terra" e reivindicando a liberdade dos independentistas presos e presas.
27-04-2015 22:39:18
Mártires de Carral recebérom a homenagem independentista onde se batérom até o final
Mártires de Carral recebérom a homenagem independentista onde se batérom até o final
Causa Galiza fijo onte umha singela homenagem aos Mártires de Carral no mosteiro onde resistírom às tropas espanholas do general Gutiérrez de la Concha em 1846. O ato consistiu em duas breves intervençons reproduzidas a continuaçom. Umha, em chave histórica, pondo em valor a significaçom política daqueles acontecimentos pouco conhecidos, e outra, política. Ambas lêrom-as, respetivamente, o companheiro da Mesa Nacional Óscar Gomes e o nosso porta-voz Henrique Torres.
25-11-2014 11:38:15
O machismo tem muitas facianas. Todas elas violentas. Combatamo-lo.
O machismo tem muitas facianas. Todas elas violentas. Combatamo-lo.
Celebra-se o Dia Internacional contra a Violência de Gênero. Mais um ano, a data dá pé, junto à mobilizaçom feminista nas ruas do país, à habitual campanha reducionista de meios e instituiçons que pretende constranger esta lacra contra a que luitamos as mulheres galegas, à violência física, quando a realidade é que a violência machista é um elemento estrutural e fundante do modelo sócio-económico patriarcal e colonial que padecemos.
17-04-2015 21:45:00
Causa Galiza valoriza positivamente a suspensom da palestra de Martín Villa nas Pontes
Causa Galiza valoriza positivamente a suspensom da palestra de Martín Villa nas Pontes
A nossa Organizaçom valorizou positivamente a decisom da câmara municipal das Pontes, com maioria absoluta do PSdeG-PSOE, de suspender a palestra programada para este sábado no auditório municipal da vila com a presença de Rodolfo Martín Villa. Este ex diretivo de ENDESA foi umha personagem ligada ao fascismo e peça chave na administraçom estatal da repressom no período convulso que vai de 1976 a 1979. A convocatória lançada por Causa Galiza para denunciar a participaçom do ex dirigente do Movimiento Nacional num ato público na Galiza logrou assim o objetivo procurado.
21-04-2015 20:34:09
Recordaremos a Revoluçom Galega de 1846 em Sam Martinho Pinário neste 26 de abril
Recordaremos a Revoluçom Galega de 1846 em Sam Martinho Pinário neste 26 de abril
Recuperar a memória é tarefa essencial na construçom do processo independentista. Neste sentido, desde que Causa Galiza se constituiu em 2007 como iniciativa popular soberanista até hoje, como organizaçom política para a liberaçom nacional, a referência da Revoluçom Galega de 1846 estivo sempre presente. Neste ano, seguindo esta breve tradiçom, homenagearemos mais umha vez os mandos, os soldados e a trama popular que, com Antolim Faraldo à cabeça, luitárom contra a Coroa de Espanha para que a Galiza fosse “temida e respeitada”.
12-11-2014 12:03:51
Causa Galiza apoia a manifestaçom contra as políticas institucionais de extermínio do Galego
Causa Galiza apoia a manifestaçom contra as políticas institucionais de extermínio do Galego
A Gentalha do Pichel, Causa Galiza, Ceivar, Que voltem para a casa! e Xeira som as seis primeiras entidades que aderírom à mobilizaçom nacional que, sob a legenda Paremos as políticas de extermínio contra a nossa língua, percorrerá neste domingo 16 as ruas da capital. A convocatória exigirá também a absoluçom das 6 pessoas condenadas a prisom no juízo #8f45anos por se manifestarem em 2009 frente a um ato de Galicia Bilingüe.
16-04-2015 21:26:29
A alternativa à miséria à que nos condena o TTIP é um Estado próprio em maos da maioria social
A alternativa à miséria à que nos condena o TTIP é um Estado próprio em maos da maioria social
Funcionários da Uniom Europeia, Canadá e Estados Unidos negoceiam nos últimos meses à margem das instituiçons parlamentares o Transatlantic Trade and Investment Partnership popularmente já conhecido como TTIP. Trata-se, sinteticamente, dum acordo para afondar, ainda mais, na liberalizaçom da atividade empresarial e a subordinaçom dos Estados e os povos existentes às diretrizes do mafioso poder económico e financeiro internacional.
11-04-2015 20:48:10
Causa Galiza rechaça a presença na Galiza do repressor franquista Rodolfo Martín Villa e exige a sua extradiçom à Argentina
Causa Galiza rechaça a presença na Galiza do repressor franquista Rodolfo Martín Villa e exige a sua extradiçom à Argentina
Rodolfo Martín Villa, ex dirigente do Movimiento Nacional e Ministro de Interior nos anos duros da Transición Española sobre o que pesa umha ordem internacional de detençom por crimes de lesa humanidade cursada por um tribunal argentino, foi convidado polo Concelho das Pontes de Garcia Rodrigues, com maioria absoluta do PSOE, para participar em 18 de abril numha palestra sobre o citado período histórico.
07-11-2014 11:43:57
Causa Galiza chama a respostar a pé de rua a convocatória fascista ‘Libres y iguales’
Causa Galiza chama a respostar a pé de rua a convocatória fascista ‘Libres y iguales’
Vivemos tempos de ofensiva global sobre o projeto nacional galego desenvolvida simultaneamente por poderes políticos e económicos e da extrema direita até umha imaginária esquerda ruturista igual de unionista que a primeira. Enquanto os segundos minimizam a significaçom política e sócio-económica da reivindicaçom nacional galega, aqueles, “em nome da liberdade e a igualdade” e a “cidadania comum”, defendem a sacrosanta Unidad de España.
22-01-2015 20:10:49
Causa Galiza denuncia a construçom dumha variante da N-550 ao seu passo por Valga e Ponte Cessures
Causa Galiza denuncia a construçom dumha variante da N-550 ao seu passo por Valga e Ponte Cessures
A política colonial de infraestruturas do Estado espanhol na Galiza volve à cerna da conflituosidade. A vizinhança de Valga e Ponte Cessures denuncia que o Ministerio de Fomento aprovou em 30 de dezembro a construçom dumha variante da N-550 ao seu passo por ambas vilas que supom a destruiçom de várias hetares de monte arvorado e a demoliçom de dezenas de vivendas construídas no seu dia com duro esforço económico por parte das famílias da comarca. 
05-02-2015 13:16:00
O Galego necessita umha nova estratégia de defesa que pivote sobre a construçom nacional, a auto-organizaçom e a luita social
O Galego necessita umha nova estratégia de defesa que pivote sobre a construçom nacional, a auto-organizaçom e a luita social
Mais um ano, celebramos umha manifestaçom nacional em defesa do Galego que estará lastrada por 3 carências que já som recorrentes: 1ª o seu caráter ritual e inofensivo, porque carece de enquadramento numha estratégia visível e rumada a ganhar o conflito lingüístico; 2ª a pulsom eleitoralista e excludente na sua gestaçom que a impulsiona e, por último, e sobretodo, 3ª a inexistência dumha estratégia nacional de salvamento do Galego que permita enquadrar atos esporádicos como este e centenas de projetos e esforços voluntaristas numha direçom comum e ativar o povo galego para a tarefa que só ele pode executar: conquistar a hegemonia social do Galego.
31-10-2014 17:49:06
Causa Galiza denuncia a ingerência do imperialismo espanhol nos assuntos internos de Venezuela
Causa Galiza denuncia a ingerência do imperialismo espanhol nos assuntos internos de Venezuela
A organizaçom independentista galega Causa Galiza denuncia a ingerência do Estado espanhol nos assuntos internos venezuelanos com as declaraçons que o presidente Mariano Rajoy Brey fijo em 22 de outubro. Nestas, o máximo dirigente da extrema direita no Reino de Espanha apoia a agenda de desestabilizaçom política da extrema direita venezuelana e, em particular, o terrorista Leopoldo López, processado polos tribunais do seu país pola implicaçom em açons que provocárom a morte em 2014 de 42 venezuelanos e venezuelanas.
12-01-2015 21:56:28
Causa Galiza anima a participar na ‘IX Marcha às Cadeias’ para exigir a repatriaçom dos presos e presas independentistas galegos
Causa Galiza anima a participar na ‘IX Marcha às Cadeias’ para exigir a repatriaçom dos presos e presas independentistas galegos
Celebra­se neste 17 de janeiro a IX Marcha às Cadeias que convoca a associaçom de familiares e amigos de presos e presas independentistas galegas Que voltem para a Casa! Causa Galiza chama a sociedade galega a participar nesta mobilizaçom anual para que o Governo espanhol respeite e cumpra os direitos humanos e constitucionais das e dos militantes presos a começar pola sua transferência imediata para a Galiza.
04-12-2014 18:01:52
Causa Galiza assina umha declaraçom conjunta com sete organizaçons galegas no 36º aniversário da Constituiçom espanhola.
Causa Galiza assina umha declaraçom conjunta com sete organizaçons galegas no 36º aniversário da Constituiçom espanhola.
A nossa organizaçom fai pública nesta tarde umha declaraçom conjunta com mais sete organizaçons políticas, estudantis, feministas, anti-repressivas e juvenis com motivo do 36º aniversário do referéndum em que, em 1978, a maioria social deste país dava as costas ao texto constitucional do regime pós-franquista. Agir, Briga, Ceivar, Coletivo Nacionalista de Marim, NÓS-Unidade Popular, Mulheres Nacionalistas Galegas e PCPG som as restantes organizaçons referidas.
20-10-2014 19:15:02
Causa Galiza inicia um proceso interno de debate sobre a açom municipal independentista
Causa Galiza inicia um proceso interno de debate sobre a açom municipal independentista
O horizonte Municipais 2015 é a escusa para o início dum debate interno aberto a independentistas sem filiaçom em que fixaremos a posiçom da nossa Organizaçom sobre esta convocatória eleitoral, assim como, com perspetiva mais ampla, a significaçom que outorgamos ao trabalho municipal independentista e o seu desenvolvimento futuro. O processo começou nesta passada fim-de-semana com a aprovaçom por parte da Mesa Nacional do documento-base de debate.
13-10-2014 19:21:06
“Temos que levantar a futura organizaçom de massas do independentismo”, afirma Quique Torres do Dia da Galiza Combatente
“Temos que levantar a futura organizaçom de massas do independentismo”, afirma Quique Torres do Dia da Galiza Combatente
Neste sábado 40 pessoas concentramo-nos no outeiro de Santa Susana, na Alameda de Compostela, para celebrarmos o Dia da Galiza Combatente. Por se tratar da primeira vez que o convocava Causa Galiza, foi dedicado aos militantes do EGPGC Lola Castro Lamas Mariana e Jose Vilar Regueiro Marcos, caíd@s em 1990 num operativo do Exército Guerrilheiro contra os negócios do narcotráfico na Galiza. O ato decorreu sob vigiláncia policial.
30-09-2014 22:04:25
Causa Galiza celebrará o Dia da Galiza Combatente no outeiro de Santa Susana
Causa Galiza celebrará o Dia da Galiza Combatente no outeiro de Santa Susana
A nossa organizaçom celebrará o Dia da Galiza Combatente 2014 homenageando @s independentistas galeg@s e militantes do EGPGC, Lola Castro Lamas e José Vilar Regueiro, Mariana e Marcos, polos seus nomes na clandestinidade, que falecérom em Compostela em 1990 no decurso dumha cadeia de açons desenvolvida pola organizaçom armada galega contra os negócios do narcotráfico no país.
18-09-2014 16:53:20
Valorizaçom de urgência da sentença do juízo contra 12 defensores e defensoras do Galego
Valorizaçom de urgência da sentença do juízo contra 12 defensores e defensoras do Galego
Após se fazer público onte o auto do juízo contra doce pessoas processadas por se manifestarem em 8 de fevereiro de 2009 frente a umha mobilizaçom em favor do extermínio do Galego, Causa Galiza, à espera dos recursos que provavelmente se interporám, fai a sua própria valorizaçom política de urgência desta sentença:
18-09-2014 16:50:18
Causa Galiza valoriza os resultados da campanha contra ‘La Vuelta a España’ 2014
Causa Galiza valoriza os resultados da campanha contra ‘La Vuelta a España’ 2014
A finais de agosto, anunciamos publicamente o início dumha campanha contra a presença na Galiza de La Vuelta a España, que visitaria o país nos dias 10, 11, 12, 13 e 14 de setembro. O trabalho desenvolvido nestas semanas para denunciar esta tentativa de injectar espanholidade através do desporto, à vez que esbanjar o dinheiro público quando se detraz de todo tipo de necessidades sociais, dá pé às seguintes valorizaçons que queremos fazer púbilcas:
10-09-2014 11:47:13
Causa Galiza chama à mobilizaçom popular contra a presença do rei de Espanha na inauguraçom do curso académico na Galiza
Causa Galiza chama à mobilizaçom popular contra a presença do rei de Espanha na inauguraçom do curso académico na Galiza
A tentativa de legitimar a figura do novo chefe do Estado espanhol terá umha nova expressom no nosso país na próxima terça-feira 16 de setembro. Felipe VI e Letizia Ortiz participarám na inaguraçom do curso académico 2014-2015 no CEIP Ben-Cho-Shey de Pereiro de Aguiar. O Ministro de Educación José Ignacio Wert (PP) e o titular autonómico de Educaçom Jesús Vázquez (PP) acompanharám os monarcas espanhóis neste ato.
23-08-2014 10:53:04
Causa Galiza chama à mobilizaçom popular contra a UE e pola independência na visita de Merkel e Rajoy a Compostela
Causa Galiza chama à mobilizaçom popular contra a UE e pola independência na visita de Merkel e Rajoy a Compostela
Nesta segunda-feira 25, Mariano Rajoy e Angela Merkel visitam a capital galega antes do Conselho Europeu de Bruxelas do dia 30. A cita de ambos estadistas em que Rajoy renderá contas a Merkel sobre a aplicaçom das políticas que o BCE ordena a Madrid já foi contestada polo sindicato nacionalista CIG com a convocatória dumha mobilizaçom. Causa Galiza apoia a resposta da central galega e chama a engrosá-la, denunciando a oligarquia espanhola e a Europa do Capital e dos Estados e reivindicando a independência nacional.
22-08-2014 22:16:36
Causa Galiza chama o povo a boicotar a presença de ‘La Vuelta a España’ no país
Causa Galiza chama o povo a boicotar a presença de ‘La Vuelta a España’ no país
As autoridades desportivas espanholas projetam celebrar nos próximos dias 10, 11, 12, 13, e 14 de setembro cinco etapas de La Vuelta a España 2014 na Galiza. A prova ciclista que presupom a espanholidade dos territórios que percorre circulará polas comarcas galegas de Ortegal, Trasancos, Marinhas, Taveirós, Salnês, Ponte Vedra, Morraço, Vigo, Rosal, Baixo Minho, Ancares, Ribeira Sacra, Terra de Lemos, Compostela, etc. rematando na nossa capital.
10-08-2014 18:29:09
Causa Galiza rende homenagem a Moncho Reboiras no 39º aniversário da sua execuçom
Causa Galiza rende homenagem a Moncho Reboiras no 39º aniversário da sua execuçom
Cumpre-se agora o 39º aniversário da execuçom extra-judicial por agentes da Polícia espanhola do dirigente independentista galego José Ramom Reboiras Noia no portal do nº 27 da rua da Terra em Ferrol. Dirigente político, ativista sindical, dinamizador do tecido cultural galego e combatente armado que desde 1974 punha as bases da Frente Militar da UPG, Moncho Reboiras concentrava na sua pessoa excepcionais qualidades políticas, organizativas e humanas.
08-08-2014 10:27:29
Causa Galiza chama a mobilizar-se contra as touradas “porque isto nom é Espanha”
Causa Galiza chama a mobilizar-se contra as touradas “porque isto nom é Espanha”
A nossa Organizaçom aderiu há semanas à convocatória Touradas fora de Ponte Vedra, que neste sábado convoca manifestaçom na cidade do Leres, sob as premissas de denunciar a tortura de animais e rechaçar a imposiçom dumha festa espanhola que fai parte dum imaginário colonialista. Causa Galiza chama a mobilizar-se no dia 9 em Ponte Vedra a acrescentar a pressom popular para rematar com este tipo de atividade no nosso país.
01-08-2014 01:02:01
Causa Galiza valoriza positivamente a mobilizaçom do Dia da Pátria 2014
Causa Galiza valoriza positivamente a mobilizaçom do Dia da Pátria 2014
Após os processos que, desde 2007, procurárom a unidade de açom das distintas correntes independentistas, o presente ano era a primeira ocasiom em que Causa Galiza se manifestava como organizaçom política independentista após o processo de reconfiguraçom da iniciativa original concluido em março passado. A Mesa Nacional da nossa Organizaçom fai a seguinte valorizaçom dos atos do Dia da Pátria:
29-07-2014 23:02:44
Anexamos a comunicaçom política lida polo nosso porta-voz nacional neste Dia da Pátria
Anexamos a comunicaçom política lida polo nosso porta-voz nacional neste Dia da Pátria
Causa Galiza rematou a 95º celebraçom do nosso dia nacional com umha concentraçom na Praça do Pam da capital galega. Ali, o nosso companheiro e Porta-voz Nacional Henrique Torres leu a comunicaçom acordada pola Mesa Nacional de Causa Galiza para a ocasiom. Anexamos esta comunicaçom na íntegra para o seu conhecimento polas pessoas interessadas.
01-04-2014 18:23:11
Causa Galiza racha um impasse que se prolongou durante meses e relança a intervençom no país
Causa Galiza racha um impasse que se prolongou durante meses e relança a intervençom no país
Onte rematamos a reconfiguraçom da velha Causa Galiza numha nova organizaçom política independentista e socialista. Foi um processo excessivamente extenso no tempo que derivou na ralentizaçom da nossa intervençom política.
01-04-2014 18:26:15
Causa Galiza rechaça a presença do príncipe espanhol na Galiza e chama a respostar
Causa Galiza rechaça a presença do príncipe espanhol na Galiza e chama a respostar
A presença do príncipe espanhol Felipe de Borbón y Grecia no nosso país na próxima quinta-feira é unha ofensa para o povo galego.
01-04-2014 18:28:26
Regime espanhol utiliza a morte de Adolfo Suárez para umha operaçom de legitimaçom da monarquia
Regime espanhol utiliza a morte de Adolfo Suárez para umha operaçom  de legitimaçom da monarquia
A morte física do ex presidente espanhol Adolfo Suárez é utilizada nestes dias para desatar umha operaçom mediática e institucional maciça de legitimaçom da monarquia e o regime pós franquista espanhóis.
01-04-2014 18:35:28
Agências informativas e meios distribuem hoje maciçamente baçófia informativa
Agências informativas e meios distribuem hoje maciçamente baçófia informativa
A prática totalidade dos meios de propaganda espanhóis e galegos difundem hoje, em distintas versons, umha informaçom policial inverificável e isenta de qualquer prova para criminalizar o independentismo galego.
07-04-2014 12:20:14
Henrique Torres, o nosso novo porta-voz nacional, responde umha extensa entrevista
Henrique Torres, o nosso novo porta-voz nacional, responde umha extensa entrevista
Nesta semana, Henrique Torres, foi eleito pola nossa Assembleia Nacional como novo porta-voz nacional de Causa Galiza. Nascido em Ponte Vedra em 1980, o nosso companheiro participa desde há anos em diversas iniciativas políticas e sociais do independentismo e foi liberado durante um ano no centro social Revira da sua cidade.
11-04-2014 21:50:48
Causa Galiza ante as Eleiçons Europeias 2014
Causa Galiza ante as Eleiçons Europeias 2014
O Povo Galego assistirá a um processo eleitoral à Eurocâmara no 25 de maio. Da organizaçom independentista e socialista Causa Galiza, que nom concorre com alternativa própria a esta cita, queremos estender quatro reflexons a respeito do 25-M
24-04-2014 21:08:01
Causa Galiza fai pública a sua posiçom ante a sentença do "Tribunal Supremo" espanhol sobre quatro independentistas galegos
Causa Galiza fai pública a sua posiçom ante a sentença do "Tribunal Supremo" espanhol sobre quatro independentistas galegos
A Mesa Nacional de Causa Galiza, ante a publicaçom nas agências e meios informativos estatais de extratos da sentença do Tribunal Supremo espanhol que ditamina a existência jurídica dumha organizaçom armada independentista a operar no nosso país, quer fazer as seguintes valorizaçons de urgência à espera de conhecer a literalidade da resoluçom judicial:
29-04-2014 22:28:09
Causa Galiza expom a sua posiçom política neste 1º de maio
Causa Galiza expom a sua posiçom política neste 1º de maio
A situaçom sócio-económica que suportamos as trabalhadoras e trabalhadores deste país e o conjunto das classes populares galegas é avondo clara como para que tenhamos agora que entreter-nos em exaustivas exposiçons de dados para denunciá-la. Evidencia-se em qualquer estudo e estatística e, sobretodo, padece-se dia após dia nas próprias carnes da maioria em forma de deterioraçom contínua das condiçons de vida e de trabalho -em especial, as das mulheres galegas-, precarizaçom da existência na mais ampla acepçom do termo, perda de direitos sócio-laborais, repressom, empobrecimento, despejos, suicídios, emigraçom juvenil maciça, etc.
14-05-2014 12:16:56
Causa Galiza expom a sua posiçom política neste 17 de maio, dia das Letras Galegas
Causa Galiza expom a sua posiçom política neste 17 de maio, dia das Letras Galegas
Qualquera diagnose rigorosa da situaçom do Galego após 35 anos de autonomia nom dá pé para festejos. Os dados sobre a sua regressom estám à vista. Podemos dizer que o projeto estratégico de assimilaçom plena avança desde a Transición a velocidades que envejariam quem em 1936 ordenavam ao nosso povo a ponta de fusil No sea bárbaro. (…) hable nuestro idioma oficial. Enquanto, as meritórias resistências construidas polo nacionalismo popular e o independentismo, embora ralentizárom o processo, fôrom insuficientes para freá-lo e inverti-lo.
02-06-2014 16:38:29
Causa Galiza chama a saír para a rua em defesa da independência nacional e a República Galega
Causa Galiza chama a saír para a rua em defesa da independência nacional e a República Galega
A abdicaçom do rei espanhol Juan Carlos I de Borbón y Borbón é um ponto de inflexom na atual crise do regime surgido da reforma cosmética da ditadura franquista. Como no período 1975-1978, quando se fraguou a fraude da Transición Democrática, a oligarquia espanhola trata de perpetuar o seu domínio e superar com reformas superficias a grave crise de legitimidade do sistema político, do modelo de Estado de las Autonomías e do sistema económico.
03-06-2014 14:49:19
Causa Galiza chama a que Galiza pola Soberania convoque a única manifestaçom nacional do Dia da Pátria 2014
Causa Galiza chama a que Galiza pola Soberania convoque a única manifestaçom nacional do Dia da Pátria 2014
A organizaçom independentista Causa Galiza, ante o próximo Dia da Pátria 2014, quere compartilhar com todos os patriotas e as patriotas galegas três breves reflexons de urgência e umha proposta política concreta para o nosso dia nacional:
08-06-2014 19:19:07
Causa Galiza valoriza o decurso das reunions entre agentes políticos nacionais dos dias 5 e 6 de junho
Causa Galiza valoriza o decurso das reunions entre agentes políticos nacionais dos dias 5 e 6 de junho
Umha delegaçom de Causa Galiza participou em 5 e 6 de junho nas reunions celebradas com outros agentes políticos galegos para estudar a possibilidade –proposta polo BNG- de lançar umha iniciativa conjunta de mobilizaçom pola rutura democrática para domingo 8 de junho.
16-02-2017 11:41:59
Causa Galiza inicia umha nova fase definida pola intervençom na rua, a incorporaçom de nova militáncia e a atualizaçom do projeto político
Causa Galiza inicia umha nova fase definida pola intervençom na rua, a incorporaçom de nova militáncia e a atualizaçom do projeto político
Causa Galiza celebrou nesta fim-de-semana em Compostela a primeira Assembleia Nacional após a recuperaçom do estatuto de organizaçom política legal. O encontro da militáncia aprovou a folha de rota para 2017, que se centra em três reptos imediatos: reconstruir e afortalar a Organizaçom, iniciar umha dinámica sustentável de intervençom social e política e, por último, incorporar militáncia e iniciar um processo de debate e atualizaçom estratégica do projeto independentista.
13-02-2017 16:00:58
Causa Galiza agradece ao BNG a apresentaçom na câmara autonómica da PNL que exigirá o arquivo do sumário aberto contra nove independentistas
Causa Galiza agradece ao BNG a apresentaçom na câmara autonómica da PNL que exigirá o arquivo do sumário aberto contra nove independentistas
Causa Galiza agradece ao Bloque Nacionalista Galego (BNG) a apresentaçom no parlamento autonómico dumha Proposiçom nom de Lei (PNL) que reclama desta câmara a condena da ilegalizaçom de facto à que estivo submetida durante 14 meses a nossa organizaçom por parte da Audiencia Nacional espanhola e a exigência do arquivo definitivo do sumário ainda aberto no tribunal de exceçom contra militantes de Causa Galiza.
11-06-2014 19:39:14
Causa Galiza chama a inçar ruas, janelas e balcons com simbologia nacional neste Mundial
Causa Galiza chama a inçar ruas, janelas e balcons com simbologia nacional neste Mundial
Os eventos desportivos fôrom sempre e som hoje ámbito preferente da construçom nacional espanhola na Galiza. Neste sentido, o Mundial 2014 de Brasil nom fuge a esta lógica que, à vez que reitera com suspeita frequência que “desporte e política nada tenhem a ver”, utiliza o primeiro como arma de espanholizaçom de massa, veta a existência de seleçons desportivas galegas e persegue a nossa participaçom como naçom em eventos desportivos internacionais.
01-07-2014 22:53:49
Causa Galiza convoca a saír para a rua pola independência nacional neste Dia da Pátria
Causa Galiza convoca a saír para a rua pola independência nacional neste Dia da Pátria
Causa Galiza convoca neste Dia da Pátria a mobilizaçom independentista anual por oitavo ano consecutivo. A decisom toma-se logo de se frustrar a tentativa de que, igual que acontece com as organizaçons juvenis patrióticas, todos os agentes políticos nacionalistas e independentistas se manifestassem conjuntamente em 25J sob Galiza pola Soberania, ou qualquer outro formato que possibilitasse a unidade de açom no dia nacional. Em seu defeito, Causa Galiza pretendeu que essa unidade de açom se restringisse às forças independentistas. Neste sentido, tampouco prosperou a proposta transmitida a NÓS-Unidade Popular para que ambas organizaçons concorréssemos sob umha única convocatória umha vez constatada a indisposiçom do BNG.
10-02-2017 10:53:39
Causa Galiza reclama à administraçom autonómica a suspensom da projeçom de "50 sombras mais obscuras"
Causa Galiza reclama à administraçom autonómica a suspensom da projeçom de "50 sombras mais obscuras"
Causa Galiza denuncia a estreia nos cinemas do País do filme estadounidense 50 sombras mais obscuras, por se tratar dum produto estândar da indústria norteamericana que normaliza a violência machista e naturaliza a humilhaçom, a degradaçom, o isolamento, a possessom e o abuso físico e emocional sobre as mulheres, para além de perpetuar o mito do amor romântico, que nos relega a roles subordinados e dependentes nas relaçons afetivas.
15-07-2014 19:57:14
Causa Galiza ultima o seu programa de atos reivindicativos e lúdicos para o Dia da Pátria
Causa Galiza ultima o seu programa de atos reivindicativos e lúdicos para o Dia da Pátria
A campanha do Dia da Pátria é o repto mais importante assumido por Causa Galiza desde a nossa constituiçom em março como organizaçom política independentista. No entanto, mais do que dificuldade, esta campanha é umha oportunidade para tensionar a Organizaçom, ativar as redes de simpatias e afinidades e ganhar referencialidade para um projeto político que, embora modesto, hoje, tem a decisom de ganhar músculo político e organizativo e referencialidade.
22-07-2014 22:03:20
Causa Galiza assina o manifesto unitário independentista "Viva a Pátria Galega!"
Causa Galiza assina o manifesto unitário independentista "Viva a Pátria Galega!"
Causa Galiza assinou nesta semana o manifesto apoiado por diversos agentes sociais, sindicais e políticos nacionalistas e independentistas galegos em que se incide na necessidade da soberania e a independência nacional como soluçom e estratégia de luita popular. O manifesto, que incide na urgência de dispormos dum Estado próprio, denuncia também a "repressom constante contra aqueles homens, mulheres, organizaçons e luitas" comprometidas nesta direçom.
 

  

 

 

 

PRIMEIRO, A INDEPENDÊNCIA NACIONAL 

Necessitamos com urgência ser umha naçom livre e constituir o nosso próprio Estado ao serviço da maioria social. A rutura com Espanha é chave e inicia-se agora. É umha questom de dignidade coletiva. É a ponte que nos permtirá transitar face um novo modelo sócio-económico no nosso país.

 

 

SOMOS SOCIALISTAS

 Luitamos dia após dia em defesa da classe trabalhadora e das classes populares galegas para construir o socialismo na Galiza. Um socialismo que supere o patriarcado e a opressom das mulheres polos homes. Um socialismo identitário. Um socialismo fundamentado nos órganos de poder popular construidos no processo de liberaçom nacional.

 

 

AUTO-ORGANIZAÇOM POPULAR

 Avançarmos face o horizonte da independência nacional e o socialismo exige preparar-se para umha luita complexa e estarmos dispostas para enfrentar as resistências que oporá a oligarquia espanhola. O conflito de projetos políticos é umha parte, inevitável, deste caminho que as e os independentistas galegos denominamos processo de liberaçom nacional e social.