Causa Galiza rechaça a presença do príncipe espanhol na Galiza e chama a respostar
A presença do príncipe espanhol Felipe de Borbón y Grecia no nosso país na próxima quinta-feira é unha ofensa para o povo galego.
O sucessor à Coroa espanhola e à Chefia do Estado espanhol é a máxima expressom iconográfica, após Juan Carlos de Borbón y Borbón, da opressom e a negaçom colonial que suporta a Galiza e do regime fraguado entre 1975 e 1978, com o apoio da esquerda metropolitana, para transitar de umha ditadura militar para umha pseudodemocracia burguesa que, igual que aquela, nega os nossos direitos e liberdades como naçom.


O príncipe espanhol nom pode ser, portanto, bem recebido neste país. De Causa Galiza, convidamos o povo em geral, os agentes sociais galegos e as formaçons políticas nacionalistas e independentistas BNG, Anova, NÓS-UP e FPG a contestarem e rechaçarem a presença do herdeiro da Coroa estrangeira e da Chefia do Estado que nos oprime e explora. Nom existe legitimidade democrática nas instituiçons estrangeiras. Nom existe legitimidade democrática numha monarquia instituida polo fascismo como a sua continuidade após o Genocídio de 1936 e a armadilha de 40 anos de democracia à espanhola.