Causa Galiza inicia campanha de socializaçom da necessidade da independência nacional

Causa Galiza inicia em novembro umha campanha política de agitaçom que se prolongará nos três próximos meses. O objetivo desta iniciativa é socializar no povo galego através de distintos suportes a necessidade de construirmos um Estado próprio ao serviço da maioria social do país e de romper amarras com Espanha. A campanha veiculizará-se com distintos meios propagandísticos, palestras, atos surpresa, etc. e terá seguimento nas redes sociais da nossa Organizaçom.

 O contexto atual é particularmente propício para esta iniciativa, à vista do processo eleitoral espanhol convocado para 20-D, as falsas expetativas geradas sobre a “rutura do regime”, as perspetivas dumha hipotética reforma constitucional, o avanço do processo independentista em Catalunha e a necessidade de clarificar socialmente que a única via possível para construir o projeto nacional galego e superar o gravoso modelo de capistalismo colonial é a rutura com Espanha.

 Participaçom aberta

 Embora a iniciativa desta campanha política corresponde à organizaçom independentista Causa Galiza, a participaçom nela estará aberta àquelas pessoas conscientes da necessidade de visibilizar, “normalizar” e socializar, com a máxima intensidade, o objetivo da independência nacional e a superaçom do atual quadro jurídico-político estatutário e constitucional.