Causa Galiza chama à mobilizaçom popular contra a UE e pola independência na visita de Merkel e Rajoy a Compostela
Nesta segunda-feira 25, Mariano Rajoy e Angela Merkel visitam a capital galega antes do Conselho Europeu de Bruxelas do dia 30. A cita de ambos estadistas em que Rajoy renderá contas a Merkel sobre a aplicaçom das políticas que o BCE ordena a Madrid já foi contestada polo sindicato nacionalista CIG com a convocatória dumha mobilizaçom. Causa Galiza apoia a resposta da central galega e chama a engrosá-la, denunciando a oligarquia espanhola e a Europa do Capital e dos Estados e reivindicando a independência nacional.

Valorizamos esta contestaçom como um chanço na consciencializaçom do povo galego a respeito de que qualquer perspetiva de futuro para a Galiza passa, necessariamente, pola rutura unilateral com o Estado espanhol através dum processo independentista, mas também com a UE e a Eurozona. A nossa Organizaçom chama a fazer ensurdecedora a reivindicaçom de liberdade para a Galiza e a denúncia da Europa do Capital a partir das 11:00 h. do dia 25 na compostelana praça da Quintá.