Causa Galiza chama à mobilizaçom popular contra a presença do rei de Espanha na inauguraçom do curso académico na Galiza


 A tentativa de legitimar a figura do novo chefe do Estado espanhol terá umha nova expressom no nosso país na próxima terça-feira 16 de setembro. Felipe VI e Letizia Ortiz participarám na inaguraçom do curso académico 2014-2015 no CEIP Ben-Cho-Shey de Pereiro de Aguiar. O Ministro de Educación José Ignacio Wert (PP) e o titular autonómico de Educaçom Jesús Vázquez (PP) acompanharám os monarcas espanhóis neste ato.

A presença das máximas autoridades políticas espanholas e dos responsáveis polo processo combinado de desmantelaçom, mercantilizaçom e espanholizaçom do sistema educativo na Galiza suscitou os primeiros chamamentos a saír para a rua por parte de agentes sociais e sindicais contrários a este. Aliás, Causa Galiza soma a sua voz a estas reivindicaçons, engadindo o rechaço à presença dos reis espanhóis e a reivindicaçom da independência nacional.

Símbolo dum espólio histórico

 

A monarquia espanhola é, para além de um regime antidemocrático, imposto polo bunquer fascista na Transición Democrática e acatado no seu dia pola esquerda espanhola, um regime estrangeiro que simboliza a dominaçom histórica e o espólio material da Galiza por Espanha. Neste sentido, a extensom do rechaço social à presença dos monarcas espanhóis no país é tam importante como denunciar a mercantilizaçom e espanholizaçom do sistema educativo.

 

Assim, chamamos a vizinhança da comarca de Ourense a se concentrar a partir das 10:30 h. AM da terça-feira 16 ante o CEIP Ben-Cho-Shey de Pereiro de Aguiar para denunciar a privatizaçom e espanholizaçom do sistema educativo público, rechaçar a presença de autoridades responsáveis por este processo e evidenciar ante Felipe VI e Letizia Ortiz e a opiniom pública galega que a Galiza é um povo que nom tem reis e exige a sua liberdade e independência nacional.

 

Porque a Galiza nom tem rei,

INDEPENDÊNCIA NACIONAL!